Laufbrekka 2, 200 Kópavogur
74.900.000 Kr.
Raðhús á tveimur hæðum
6 herb.
191 m2
74.900.000
Stofur
1
Svefnherbergi
5
Baðherbergi
2
Inngangur
Sér
Byggingaár
1985
Brunabótamat
59.950.000
Fasteignamat
66.050.000

Kaupsýslan kynnir: Bjart og virkilega skemmtilegt 6 herbergja 191,2 m2 fjölskylduhús á tveimur hæðum að Laufbrekku 2 í Kópavogi. 

Smelltu hér til að sækja söluyfirlit strax
 
Eignin skiptist í: Forstofu, þvottahús, gang, 5 svefnherbergi, tvö baðherbergi, eldhús, stofu, borðstofu, geymslu, fjölskyldurými/sjónvarpshol. Geymsluskúr er á lóð ásamt heitum potti. 
Birt stærð neðri hæðar er 124,8 m2 (merkt 0201) og efri hæðar er 66,4 m2 (merkt 0301), samtals 191,2 m2 skv. skráningu Þjóðskrá Íslands.

Árið 2016 var þakið endurnýjað, þ.e. skipt var um þakjárn og ystu lög þaksins endurnýjuð. Baðherbergi á neðri hæð var endurnýjað árið 2018 og er með gólfhita. Flísar eru á gólfum í forstofu, þvottahúsi, gangi, stofu, eldhúsi og baðherbergjum en parket er á gólfum í svefnherbergjum og alrými efri hæðar. 

Aðalhæð: Komið er inn í rúmgóða forstofu með fataskápum, þaðan er gengið inn í þvottahús. Tengi er fyrir þvottavél og þurrkara í þvottahúsi og þar er gluggi. Herbergin eru þrjú á neðri hæð, hjónaherbergi er rúmgott með fataskápum, barnaherbergi er rúmgott með lausum fataskáp. Þriðja herbergið er nýtt sem skrifstofa. Baðherbergi er flísalagt í hólf og gólf, með upphengdu salerni, grárri baðinnréttingu, baðkari með sturtu yfir og glerskilrúmi, handklæðaofn. Eldhús er með rauðri innréttingu með nægu skáparými, bakarofni í vinnuhæð, tengi fyrir tvöföldum ísskáp (sem getur fylgt), breiðu keramik helluborði og stórum kraftmiklum háfi yfir úr burstuðu stáli með útblæstri, burstað stál er á milli skápa. Borkrókur í eldhúsi. Stofa og borðstofa er í opnu rými, það er bjart og mikil lofthæð sem teygir sig uppá næstu hæð hússins. Úr stofu er gengið út á nýlegan skjólsælan sólpall í suð-vestur. Inngangur að húsinu er yfirbyggður og þar fyrir framan er vandaður heitur pottur og hefur pallur verið byggður utanum ásamt rúmgóðum geymsluskúr. Lóðin er að öðru leyti hellulögð. Girðing er umhverfis húsið. 
Efri hæð: Gengið er upp stiga, þar er bjart alrými sem opið er niður að stofu og borðstofu, þar er sjónvarpshol/ fjölskyldurými með möguleika á að loka af og útbúa skrifstofu. Á hæðinni eru tvö svefnherbergi með fataskápum og baðherbergi. Baðherbergi er flísalagt í hólf og gólf með salerni, hvítri baðinnréttingu og sturtuklefa. Svefnherbergin eru að hluta til undir súð, því er gólflötur meiri en skráðir fermetrar. Úr fjölskyldurými er útgengi á hellulagðar svalir (9,6 m2) og er þaðan fallegt útsýni. 

Húseignin er skráð raðhús en um er að ræða þriggja hæða sambyggt iðnaðar- og íbúðarhús. Húsið er byggt ofan á iðnaðarhúsnæði fyrir léttan iðnað, aðkoma frá Dalbrekku og sést því ekki sé horft frá Laufbrekku. Um er að ræða algerlega aðskildar eignir fyrir utan sameiginlegt ytra byrði t.a.m. þak.
 
Um er að ræða bjart og vel skipulagt 6 herbergja fjölskylduhús á góðum stað við Laufbrekku 2 í Kópavogi. 
 
Allar nánari upplýsingar veita:
Monika Hjálmtýsdóttir, löggiltur fasteignasali s: 823 2800, [email protected]
Júlíus Jóhannsson, löggiltur fasteignasali, s: 823 2600, [email protected]
Kaupsýslan fasteignasala - Nóatúni 17 - 105 Reykjavík - 571 1800 - [email protected]

Senda fyrirspurn um eignina

Skilaboð hafa verið send.

Sjá söluyfirlit

Skilaboð hafa verið send.