Haukdælabraut 48 -aukaíbúð , Reykjavík

94.500.000 Kr.



Raðhús
232,9 m2
7 herbergja
Sérinngangur
Herbergi 7
Stofur 2
Baðherbergi 2
Svefnherbergi 5
Ásett verð 94.500.000 Kr.
Fasteignamat 77.850.000 Kr.
Brunabótamat 69.000.000 Kr.
Byggingarár 2014

Lýsing


Eignin er seld og er í fjármögnunarferli. 

Kaupsýslan kynnir glæsilegt fimm herbergja endaraðhús með bílskúr ásamt tveggja herbergja íbúð með sér inngangi að Haukdælabraut 48 - í hinu eftirsótta hverfi Grafarholts við Reynisvatnsás í Reykjavík. Húsið er mjög vel staðsett við suðvestur enda með glæsilegum garði, stórum sólpalli og heitum potti. Fallegt útsýni er úr eigninni yfir Úlfarsárdalinn, til fjalla og allt niður í miðbæ. 

 
Eignin er sérlega vel skipulögð og allur frágangur er til fyrirmyndar, bæði innandyra sem utan. Varmaskiptir er í eigninni og gólfhiti í öllum rýmum. Vandaðar innréttingar og fataskápar eru frá Brúnás, gegnheilt 16 mm eikarparket er á gólfum með birkikrossviðs botni frá Parketverksmiðjunni, engir gólflistar. Flísar eru ítalskar frá Parka. Innihurðir, 220 cm eru frá Agli Árnasyni. Vönduð blöndunartæki eru frá Ísleifi Jónssyni og Tengi. Hönnun og lýsing er frá Lúmex með Led perum og dimmerum. Eldhús er með niðuteknu lofti og innbyggð lýsing er í eldhúsi og stofu, aukin lofthæð er í húsinu. Borðplötur í eldhúsi og baði eru frá Steinsmiðjunni Rein (Silestone). Öll eldhústæki í báðum eldhúsum eru frá Siemens. Heitur pottur kallast Unaðsskel og er frá Trefjum og er með loki. Lóðin var hönnuð af Birni Jóhannssyni landslags arkitekt. 

Aðalíbúð skiptist í forstofu, gang, stiga, hol, eldhús, stofu, fjögur svefnherbergi, baðherbergi, þvottahús, geymslu og bílskúr. Aukaíbúð skiptist í eldhús/stofu, gang, baðherbergi og svefnherbergi. 
Aðalíbúð er um 161,0 m2, bílskúr er 29,1 m2 og aukaíbúð er um 43 m2, samtals er eignin 232,9 m2 skv. skráningu Fasteignaskrár Íslands. 

Aðalíbúð, komið er inn í forstofu, þar er hvítur fataskápur, gengið inná gang, undir stiga er geymsla. Úr forstofu er gengið inní snyrtilegan og rúmgóðan bílskúr sem er flísalagður. Gengið er upp stiga. Eldhús er opið að stofu. Eldhús er flísalagt með vandaðri hvítri innréttingu og hnotu efri skápum, þar er tengi fyrir ísskáp og frystiskáp, innbyggð uppþvottavél, tvöfaldur ofn/örbylgjuofn er í vinnuhæð, stórt span helluborð og háfur úr burstuðu stáli. Borðstofa er fyrir framan eldhús með flísum á gólfi.  Stofa er afar björt og rúmgóð, við einn vegginn er vandaður hvítur skenkur sem fylgir. Í stofunni er fallegur horngluggi sem nær niður í gólf, þaðan er útsýni yfir Úlfarsárdalinn, til fjalla og allt niður í miðbæ. Úr stofu er gengið út á um 60 fm sólpall með vönduðum heitum potti, pallur er byggður utanum með góðum skjólveggjum. Garðurinn er sérlega fallegur, vel frágenginn með sérvöldum gróðri í runnum og beðum. Hægt er að ganga vestur fyrir húsið niður í garð vestan megin sem einnig tilheyrir eigninni. 
Herbergjaálma er austan megin í húsinu ásamt baðherbergi og þvottahúsi. Barnaherbergin eru þrjú, öll rúmgóð með fataskápum. Hjónaherbergi er með útgengi út á sólpall og þar er innskot með opnum fataskápum. Baðherbergi er flísalagt í hólf og gólf með sérlega fallegum flísum, vönduðum innbyggðum blöndunartækjum, baðkari og stórri sturtu með hertu gleri. Baðinnréttingin er hvít með hnotu efri skáp. Þvottahús er með góðum innréttingum með nægu skáparými og snúrum til að hengja upp, tengi fyrir þvottavél og þurrkara og vaskur. 

Aukaíbúð er á jarðhæð með glugga í norður og vestur. við innganginn eru gólfsíðir gluggar sem setur fallegan svip og hleypir góðri birtu inn. Eldhús og stofa er í sama rými. Þar er allt mjög snyrtilegt og rýmin mjög vel nýtt. Eins og á efri hæð hefur ekkert verið til sparað í innréttingum og tækjum og eru þau frá sömu framleiðendum og listaðir eru upp hér að ofan. Í eldhúsi er vönduð hvít innrétting með innbyggðri uppþvottavél, bakarofn, span helluborði og gufugleypi úr burstuðu stáli. Baðherbergi er einnig í sama stíl og á efri hæð, flísalagt í hólf og gólf með upphengdu salerni, fallegri hvítri baðinnréttingu og góðri sturtu, þar er tengi fyrir þvottavél og gluggi. Svefnherbergi er rúmgott. Núverandi eigendur leigja út íbúðina í skammtímaleigu og hafa til þess öll tilskilin leyfi. 

Um er að ræða vandað staðsteypt endaraðhús með aukaíbúð og bílskúr. Byggingaraðili hússins er Pálmar ehf. Hér hefur verið vandað vel til verka við allan frágang og efnisval bæði innandyra sem utan. Eign sem vert er að skoða!

Allar nánari upplýsingar veitir Monika Hjálmtýsdóttir löggiltur fasteignasali / 823 2800 / monika@kaupsyslan.is
Kaupsýslan fasteignasala / Nóatúni 17 / 105 Reykjavík
571 1800 / kaupsyslan@kaupsyslan.is 
--------------------------------------------------------------------------------------

Kort






Sölumaður

Monika Hjálmtýsdóttir



Löggiltur fasteigna- fyrirtækja- og skipasali
Netfang: monika@kaupsyslan.is
Sími: 8232800
Senda fyrirspurn vegna

Haukdælabraut 48 -aukaíbúð


CAPTCHA code