Hulduland 12, Reykjavík

94.900.000 Kr.



Raðhús
206,3 m2
5 herbergja
Sérinngangur
Herbergi 5
Stofur 2
Baðherbergi 2
Svefnherbergi 2
Ásett verð 94.900.000 Kr.
Fasteignamat 72.700.000 Kr.
Brunabótamat 51.240.000 Kr.
Byggingarár 1968

Lýsing


Eignin er seld og í fjármögnunarferli. 

Kaupsýslan kynnir glæsilegt 206,3 m2 endaraðhús á pöllum með bílskúr að Huldulandi 12 í Reykjavík. Eignin hefur mikið verið endurnýjuð og er búin vönduðum gólfefnum, innréttingum og tækjum. Ytra byrði hússins og lóð hefur verið vel við haldið, er snyrtilegt og lítur vel út. Garðurinn er fallega hannaður, viðhaldslítill með afgirtri verönd á pöllum og litlum grasbletti.
Bílastæði eru beint fyrir framan húsið. Bílskúrinn er staðsettur út í götu. Tvö svefnherbergi eru í eiginni í dag og er hægt að breyta a.m.k einu herbergi í tvö. 

Íbúðarými er 186,9 m2 og bílskúr er 19,4 m2, samtals er eignin skráð 206,3 m2 skv. skráningu Fasteignaskrár Íslands. 

Náttúrusteinn er á gólfum í forstofu, eldhúsi, holi, búri innaf eldhúsi, á baðherbergjum og í neðri forstofu. Gegnheilt eikarparket er í öðrum rýmum nema þvottahúsi og geymslu sem er með máluðu gólfi. Fallegar sérsmíðaðar innréttingar úr sérvalinni eik eru í eigninni, þ.e. í forstofu, eldhúsi, baðherbergjum, stofu, neðra holi og svefnherbergi. Loft er niðurtekið í eldhúsi og stofu með fallegri lýsingu með dimmerfjarstýringu. Rúllugluggatjöld í stofu eru rafdrifin og stýrt með sömu fjarstýringu og ljósin. 

Komið er inn í forstofu með góðum fataskáp og þaðan er gengið inn í hol þaðan sem horft er inn í eldhús og upp í stofu. Eldhúsið er bjart og einstaklega rúmgott með borðkrók við glugga. Þaðan er gengið inn í búr/geymslu og er þar útgangur. Eldhúsinnréttingin er vegleg með granít borðplötum og mjög góðu skáparými. Þar er vandaður bakarofn, innbyggð kaffivél og gaseldavél, allt frá hinu vandaða merki Miele. Tveir innbyggðir ísskápar með frystiskápum eru við hliðiná bakarofni. Yfir eldavél sem staðsett er á eyju er veglegur háfur úr burstuðu stáli. Halogenlýsing er undir efri skápum og við vegginnréttingar. Gestasalerni er við efra hol, þar er upphengt salerni, nett baðinnrétting með fallegum vaski og rúmgóðum eikarskáp á vegg, þar er granít borðplata og stór spegill sem sniðinn er á vegginn.

Gengið er upp stiga í stofu sem er afar björt og rúmar bæði stofu og borðstofu og er með fallegu útsýni yfir Fossvogsdalinn. Falleg sérsmíðuð hvít og eikar skápaeining er í stofu sem fylgir. Úr stofu er gengið út á flísalagðar svalir í suður. Úr efra holi er gengið niður stiga á tvo neðri palla. Komið er niður í hol, þar er mjög góður eikarskápur. Hjónaherbergi er rúmgott með góðu innréttuðu fataherbergi innaf, útgengi er í garð. Aukaherbergi er afar rúmgott en áður voru þar tvö svefnherbergi. Þar er fataskápur og sérsmíðuð hillusamstæða ásamt bókahillu. Útbúin hefur verið tvöföld hurð sem gerir aðgengi út á sólpall mjög gott. Garðurinn er fallega hannaður með viðhaldslitlum afgirtum sólpalli, geymslubekkjum, gróðurkössum og litlum grasbletti.

Gengið er niður á neðsta pall og þar er gott opið rými sem hentar vel sem sjónvarpsherbergi. Undir stiga er góð vinnuaðstaða með sérsmíðuðu skrifborði. Baðherbergi er afar rúmgott með fallegri lýsingu, innbyggðum blöndunartækjum og loftræstingu. Baðinnréttingin er með góðum skúffueiningum, ljósri stein borðplötu, fallegum vaski og upphengdu salerni. Sturta er afar rúmgóð með glerskilrúmi. Inngangur er að neðsta palli og er forstofan þar með náttúrustein á gólfi og fatahengi. Þaðan er inngangur í þvottahús og geymslu. Góð þvottahúsinnrétting er utan um þvottavél og þurrkara með skúffum, skápum og vinnuborði, þar er lítil hurð að óupphitaðri geymslu sem hentar vel fyrir t.d. ferðatöskur. innaf þvottahúsi er annað rými með skolvaski og borði. Óupphituð geymsla er við neðsta pall undir aðaltröppum. Bílskúr er staðsettur út í götu og er með hita og rafmagni og rafdrifinni bílskúrshurð. 

Um er að ræða glæsilegt og mikið endurnýjað endaraðhús með bílskúr á frábærum stað í Fossvoginum í Reykjavík.

Allar nánari upplýsingar veitir Monika Hjálmtýsdóttir löggiltur fasteignasali / 823 2800 / monika@kaupsyslan.is
Kaupsýslan fasteignasala / Nóatúni 17 / 105 Reykjavík
571 1800 / kaupsyslan@kaupsyslan.is 
--------------------------------------------------------------------------------------

Kort






Sölumaður

Monika Hjálmtýsdóttir



Löggiltur fasteigna- fyrirtækja- og skipasali
Netfang: monika@kaupsyslan.is
Sími: 8232800
Senda fyrirspurn vegna

Hulduland 12


CAPTCHA code